ગાય- મૌન તોડાવે અને મત અપાવે

                 કોઇ એમ કહે કે ગાય દૂધ આપે છે. સાચી વાત છે પણ હવે તો ગાય મત પણ અપાવે છે. ગાયના નામે ચાલતી તકરારના તણખા દેશની સાંસદમાં એવા થયા કે ગુજરાતમાં એક પોલિટિકલ ટુરની સિઝન આવી. નેતાઓ મફતમાં મત માંગી જાય છે અને લઇ જાય છે. પણ હવે તો ખાદીધારીઓ અને મફલરધારીઓ મફતમાં ચા પી જાય છે જો કે આપણા દેશમાં લુખ્ખેશ લોકોની કમી નથી. જ્યારે સત્તા અને સમય સાથ આપતો હોય ત્યારે ગાંડા પણ રાજા બની જાય એવામાં  જ્યારે સુટબુટવાળી સરકારને એક સપ્તાહના અંતે સમય મળે છે ગાયના વિવાદિત મુદ્દાને ઉકેલવાનો. પોતાના રાજકિય હિત માટે કંઇ પણ રીત લડી લેનારાઓ દિલાસો આપવા અને રોકડની લ્હાણી કરવા થનગનતા હોય છે પણ જેને આવી બદમાશી, લુચ્ચાઇ, લુખ્ખાગીરી અને રાક્ષસી વર્તન કર્યુ એના ડામ પર મીઠું તો છાંટો. કડક સજા અને ત્વરિત નિર્ણયથી બનેલી વસ્તુ ફરી થવાની નથી પણ પુનરાવર્તન ન થાય એ માટે પણ એક ઉદાહરણ જોઇએ. જીવનના વણાંકને સીધા કરવામાં જેટલો સમય વીતે છે. એટલો સમયે કોઇને સમજવામાં અને સમજાવવામાં પસાર થાય તો તીવ્રતા હળવી થઇ જાય. ઊનાકાંડ પર ચાબખા મારીને વહેતી ગંગાને ચાખનારા આસ્થા અને શ્રધ્ધાની વાત કરે ત્યારે નવાઇ લાગે.

               
         ઘટના બની જાય  અને દિવસો પસાર થતા પરિસ્થિતિ લીલની જેમ જામી જાય પછી એના પરથી કોઇ લપસે નહીં તે માટે 'લોકનેતા' 108ની જેમ દોડી આવે. બિચારી ગાયનો પ્રભાવ કંઇ ઓછો થોડી અંકાય? ગાયના છાણમાંથી ખાતર બને અને ખુરશી પણ જાય. મૌનપ્રિય પીએમ મોદીને પણ ઊનાની ઘટનાના 22 દિવસ બાદ ગોરક્ષોકોની ગુંડાગીરી સામે માત્ર આંખ લાલ કરવાનું યાદ આવે. આ મૌન તૂટે અને મામલો છૂટે.હ્દયની સાંત્વનાથી સંવાદ સુધીની ઘટના પાછળ વોટનો હેતુ સ્પષ્ટ છે. પક્ષ કોઇ પણ હોય આવો મુદ્દો પડતો ન જ મૂકાઇ. જેમ દેશમાં ઋતુચક્ર યથાવત છે  તેમ સમસ્યા અને સવાલોની પરંપરા કાયમી છે. દાદરીની ઘટનામાં પણ ગાયના માંસની વાત હતી. ઊનાની કહાનીમાં પણ ગાય હતી. વરસાદ ખેંચાતા ગાયના ઘાસચારા માટે પણ માછલા ધોવાય પણ હવે થોડું પ્રેક્ટિકલ જોઇએ. ચા-પાન અને રેંસ્ટોરના બિલ કાઉન્ટર પર ગાયની આકૃતિમાં બનેલી પીગી બેંક (જેમાં એકવાર પૈસા નાંખ્યા બાદ બાહર ન આવે) જેવી વસ્તુઓમાં ગાયપ્રેમીઓ પૈસા-રૂપિયા નાંખિને ગાયના નામે ગચ્છનતી થઇ જાય પણ શું ગાયનું પેટ રકમથી જ ભરાઇ? ગૌશાળાની પ્રવૃતિઓમાં આધુનિકતાની અગરબત્તીની સુવાંસ ફેલાવવાની જરૂર છે. વિદેશમાં કોઇ ગૌપ્રેમી નથી એવું નથી. જેમ માણસની સોસાયટી, માછલીઓ માટે પાણી, સરીશ્રૃપ માટે દર તો પછી ગાય માટે એક ઘર જોઇએ. શિસ્ત અને સંસ્કૃતિની વાત કરનારી સંસ્થાઓ ગાયના નામે મૂકાયેલી પીગીબેંકના નાણાનું શું થાય છે એની તપાસ તો કરો.

                       જો આટલી બધી સંખ્યામાં ઘણી બધી જગ્યાએ આવી બેંક મૂકવામાં આવી હોય તો, નાણાની સારી એવી આવક થતી હોય તો ગાય જીવે ત્યાં સુધી ભૂખે ન મરે એ વાત સ્વીકારવી પડે. પરંતુ કોઇ પણ સંસ્થાએ 'વહીવટ' કરવો પડે. કોહવાઇ ગયેલી ગાયના નિકાલ માટે થતી પ્રવૃતિમાં વટ પાડનારા ભડવીરોને રોકવા જોઇએ. જેથી આવું જોખમ ભરેલું કામ કરનારાને કોઇ માર ન પડે. ભુંડ જેવી માનસિકતામાંથી જીવદયાના બિઝનેસમેન ગાય માટે વૈજ્ઞાનિક અભિગમ વિચારે. કોઇ પણ કોન્સેપને અપનાવવામાં આપણે એટલું મોડું કરીએ છીએ કે સમયના વિલંબમાં આખો દરિયો સમાય જાય. વાતમાંથી વિવાદ થતા વાર નથી લાગતી. ગાયના માંસને લઇને કેન્દ્રમાં સળગેલા મુ્દ્દાને ગુજરાતે ઇંધણ પુરુ પાડ્યું. જેનાથી નેતાઓના વિમાન ગુજરાત બાજું ઊડ્યા. દેશભરમાં ગૌરક્ષાની પ્રવૃતિ ચલાવી રહેલા નરવીરો મોટાભાગે કોઇ દળ અને પરિષદના વતની હોય છે. ચૂંટણીમા ચટણી મળે તે માટે ઉમેદવારોની જીત માટે જીતની હાંકલ કરનારાઓ પણ આવા નવરેશ હોય છે. લુખ્ખાનું લુખ્ખેશ અેમ નવરાનું નવરેશ. ખરેખર તો ગાયના નામે રાજનીતિ અને ગૌરક્ષાના નામે ભાયગીરી બંધ થવી જોઇએ. અંતે મરો તો આમ જનતાનો થાય છે. જશખાટું જભ્ભાધારી અને કોટીધારી મામલાના ઘીને વાઢીમાં નાંખીને વાહ....વાહ... કરાવી જાય છે. જેની અસર અર્થતંત્રને થાય છે. વર્ષોથી સંપીને જીવનારી, 'ડર્ટી જોબ'ને પણ દિલથી કરનારી પ્રજાના કામને કોઇ દુશાસને ડહોળી નાંખી. સમાજમાં થતા પાર્ટીશન અંતે નેતાઓને નડવાના.

          ગાય અંગેની માન્યતાઓના સુંડલા ભરાય એટલી વાતો છે. કેટલાક વૈજ્ઞાનિક તથ્ય અને વૈશ્ર્વિક સત્ય પર એક નજર કરીએ. સ્વિત્ઝરલેન્ડમાંથી છપ્પનની છાતીથી કાળુંનાણું લાવવાની વાત કરનારાને કદાચ ખ્યાલ નહીં હોય કે સ્વિત્ઝરલેન્ડનું રાષ્ટ્રિય પ્રાણી ગાય છે. જ્યાં સો ટકા ગાયનું દૂધ (પાણી જવું નહીં) પીવાય છે. ગાય માટે એક આખું ફાર્મ હાઉસ તૈયાર કરવામાં આવ્યું છે જે મુખ્ય સિટીની બાહર છે જેથી શહેરમાં ગાયના પોંદરાની ખુશ્બુ ન આવે. સમગ્ર યુરોપમાં ગાયનું દૂધ પીવાય છે. ડેનમાર્કમાં સૌથી વધુ દૂધની આઇટમ બને છે. આપણા દેશના સ્વીટ હાઉસ જેવા ઉત્પાદન નહીં. પોલીથીનમાં દૂધ માત્ર ભારતમાં જ મળે છે. લંડનમાં દૂઘની ગુણવત્તા પર સરકાર મહોર મારે પછી જ વેંચી શકાય છે. અમેરિકામાં દૂધની બનાવટને ફરજિયાત ત્યાંની ફુડલેબનું પ્રમાણપત્ર લેવું પડે છે. ગાયના નામે ચરી ખાવાના બદલે આ દેશની કક્ષા સુઘી પહોંચીએ તો પણ સારૂ. હકિકતમાં દેશની અબુધ પ્રજાને ડોબા નેતાઓ કરતા સારા શિક્ષકની જરૂર છે

ઉત્સવની અને અફવાબાજી..

        કૃષિ મહોત્સવ, રણોત્સવ અને ગુણોત્સવ બાદ ગુજરાતની રાજનીતિમાં ગાદી માટેની નવી કવાયત શરૂ થઇ. પાટીદાર અનામત આંદોલનના બીજા તબક્કામાં સરકારની સામે પાટીદારો જ નહી પણ અન્ય એસસી, એસટી અને ઓબીસી સમાજના લોકો પણ સક્રિય બન્યા. આ સાથે બીજેપીના નવી પ્રદેશ પ્રમુખની બેઠકનો એક મહત્વનો પીરીયડ અમિત શાહે લીધો. સીએમ માટે વિધાનસભાની ચુંટણીમાં શું વાત લઇને મતદાતાઓ સામે જવું એક સંશોધનનો સવાલ બની ગયો છે ત્યારે અફવાઓની આફતે ખડભડાટ કરી મૂક્યો. નરેંદ્ર મોદી દિલ્લીમાં સ્થાયી થયા બાદ ગુજરાતનું સંચાલન આનંદીબેન પટેલ પાસે આવતા રાજ્ય સરકારની સમગ્ર સિસ્ટમ સામે સવાલ ઉઠ્યા અને ગુજરાત વિકાસની સાથે વિરોધને લઇને હાંસિયામાં ખસતુ ગયું. ગુણોત્સવ અને રણોત્સવ કડક સુરક્ષા સાથે સંપન્ન થયા. ખાસ કરીને પીએમ મોદી જે ટેંટમાં રોકાયા હતા તે સીએમ આનંદીબેનને આપવામાં આવ્યું. જ્યારે ગુણોત્સવના કાર્યક્રમમાં વિરોધપક્ષની આક્ષેપબાજી અને વાસ્તવિકાતા સાથે ઉત્સવની ઉજવણી અમુક અંશે અંજાય ગઇ. સ્થાનિક સ્વરાજની ચુંટણીમાં મહાનગરના ગ્લેમર વચ્ચે કમળ ખીલ્યું જ્યારે ગ્રામ્યપંથકમાં પંજાનો જયજયકાર થયો. એક સાથે જોડાયેલી બીજી કડીની જેમ અફવા એવી પણ વહેતી થઇ હતી કે હવે બીજેપીના વળતા પાણી છે. જેમાં પણ વિપક્ષ પર આરોપનો ઉકળાટ ઠલવાયો હતો.  

સરકારી ઉત્સવો અને અફવાઓ વચ્ચે સોશિયલ મીડિયા સંવેદનશીલ સાબિત થયું. ફરતા મેસેજ અને થતી રમૂજોથી હસવાના મુદ્દાઓ કોઇના ખસવા માટે જવાબદાર ન બને તે પણ એક મહત્વની બાબત છે. નવા પ્રદેશ પ્રમુખોની કોન્સેપ બેઇઝ થિયરીમાં ઓલ્ડ ઇઝ ગોલ્ડની સાથે એક્સપિરિયન્સ ઇઝ મસ્ટની ફોર્મુલા બીજેપીએ અમલમાં મૂકીને નિમણુંક કરી. દર ત્રણ વર્ષે રાજ્ય, જિલ્લા અને મહાનગરના નવા પ્રમુખો નિમવામાં આવે છે. ડાંગમાં રમેશભાઇ ચૌધરી, નવસારીમાં નરેશભાઇ પટેલ, ભરૂચમાં યોગેશભાઇ પટેલ, નર્મદામાં ધનશ્યામભાઇ પટેલ, છોટા ઉદેપુરમાં જશુભાઇ રાંઢવા, પંચમહાલમાં અશ્ર્વિનભાઇ પટેલ, મહિસાગરમાં જયપ્રકાશભાઇ પટેલ, આણંદમાં મોહનભાઇ પટેલ, ગાંધીનગરમાં નૈલેશભાઇ શાહ, સાંબરકાંઠામાં જે.ડી પટેલ, અરવલ્લીમાં રણવીરસિંહ ડાભી,પાટણમાં મોહનભાઇ પટેલ, બનાસકાંઠામાં કેશાજી ચૌહાણ, કચ્છમાં કેશુભાઇ પટેલ, જામનગર હસમુખભાઇ હિંડોચા, જામનગર જિલ્લો ચંદ્રેશભાઇ પટેલ, દ્વારકામાં કાળુભાઇ ચાવડા, રાજકોટ જિલ્લો બી.કે. સફિયા, મોરબી રાઘવજીભાઇ ગડારા, ગીરસોમનાથ ઝવેરીભાઇ ઠકરાર, પોરબંદરમાં વિક્રમભાઇ ઓડેદરા, ભાવનગરમાં સનત મોદી, ભાવનગર જિલ્લો મહેંદ્રભાઇ સરવૈયા, બોટાદમાં સુરેશભાઇ ગોધાણી, સુરેન્દ્રનગરમાં દિલીપભાઇ પટેલ. આ તમામ પક્ષના લડવૈયા સમાન છે ત્યારે પક્ષની સ્થિતિ અત્યારે સ્થિર નથી. અમિત શાહ ગુજરાતમાં વિહાર કરવા આવે ત્યારે ઉત્તરાયણના તહેવારના કારણ કરતા રાજકીય તર્ક વધુ નજીક અને નાજુક છે. નિમણુંક ઉમંગ સાથે પણ આયોજનબધ્ધ રાજકારણના પગલા ભરવામાં આવશે તે સ્પષ્ટ વર્તાય છે.

      ગુણોત્સવની ઉજવણી કરીને ફરી એકવાર શિક્ષણજગતનું સત્ય સામે રાખવાનાં માધ્યમોએ પ્રયત્ન કર્યા. ખાસ કરીને સરકારી શાળાઓની હાલતને લઇને વિચાર કરીને સકારાત્મક રીતે આગળ વધાવાના સ્થાને ચાર દિન કી ચાંદનીને ફિર અંધેરી રાત જેવું ચિત્ર જોવા મળ્યું. ડ્રોપ આઉટ રેશિયો પર પાયાથી સંશોધન કરીને તેમાં કોઇ નક્કર કામગીરી થાય એવા ઉત્સવની જાહેરાત કરવા રાજ્ય સરકાર સક્ષમ છે. બીજી તરફ ભાષાના શિક્ષકોની સરકારી શાળાઓમાં સ્થિતિ દયાજનક છે. ટેટ અને ટાટની પરિક્ષા બાદ પણ હવામાં લટકતી ભરતીથી રાજ્ય સરકારનું શિક્ષકો પ્રત્યેનું વિઝન ક્લિયર નથી એ પણ વસમી વાસ્તવિકતા છે

      અનેક અફવા સાથે એક પણ સત્ય છે કે જાન્યુઆરી મહિનામાં 3 વખત અમિત શાહ ગુજરાત આવ્યા, ઉત્તરાયણનો ઉત્સવ પણ ઉજવ્યો. પીએમ મોદી સામે બાંયો ચડાવનાર સ્વ. હરેન પંડ્યાના પત્ની જાગૃતિ પંડ્યા એકાએક જૂના વેરઝેર ભૂલીને બાળ કલ્યાણ નિગમમાં ચેરમેન પદે નિમાયા. એક રીત અસામાન્ય ઘટના કહી શકાય. અફવા વગરનો ઉત્સવ એમ કહેવામાં પણ ખોટું નથી. હવે જાગૃતિબેને સુપ્રિમમાં કરેલી પિટિશનનો જવાબ આગળ વધતા સમયની સાથે વધુ ગુંચવાતા પ્રશ્ર્ન સમાન બનશે. વિપક્ષની દમન પ્રતિકારક રેલીમાં વિપક્ષ સાથે પાટીદારો સાથ આપશે આ વાત વ્યવહારમાં અફવા સાબિત થઇ અને રેલીનો ફિયાસ્કો થઇ ગયો. રાજ્યના રાજકારણમાં પરિવર્તનનો પવન ફુંકાય એવા એંધાણ છે ત્યારે ગતિશીલ ગુજરાતમાં સરકારની ગતિશીલતા ઘટી છે. ફરજિયાતપણે ઉજવવા પડતા ઉત્સવોમાં ઓસરતા ઉત્સાહ વચ્ચે વધતી જતી મુંઝવણ સરકારી કર્મચારીઓ અને આમ જનતાને જ છે. સમસ્યાઓના સમાધાન સામે જોવાની જગ્યાએ વિકાસ લાયક જમીનો  પર રિસર્ચ થાય છે. પીવાનું પાણી, કપાસના ભાવ, સેસ થકી વધેલી મોંધવારી અને શિક્ષિત બેરોજગારીના સળગતા મુદ્દાઓનો વચલો રસ્તો કાઢીને વિધાનસભા 2017માં વાવટો લહેરાવી શકાશે.?? જસ્ટ થિંક

ટક્કર પાછળના નક્કર કારણો

Arvind Kejrival- Narendra Modi

 દેશની રાજધાની દિલ્લીમાં ઠંડીનો પારો નીચો જઇ રહ્યો છે પણ છેલ્લા એક સપ્તાહમાં રાજકિય ગરમાવાથી વાતાવરણ ડોહળાયું છે. એક તરફ નવા વાહનોની નોંધણી ન કરીને પ્રદુષણ ઘટાડવાનો પ્લાન મંત્રી અરવિંદ
દિલ્લમાં વધી રહેલા ક્રાઇમ રેશિયોને ધ્યાનમાં લઇને કેજરીવાલ સરકારે દિલ્લી પોલીસનું સંચાલન પોતાને સોંપવા માટેની માંગ કરી હતી જો કે દિલ્લી પોલીસ કેન્દ્ર સરકારના હાથમાં છે. મોદી અને કેજરીવાલ વચ્ચેના આ કોલ્ડવોરમાં મુદ્દાઓ દમદાર છે પણ રાજકીય વિખવાદથી બંને શાસકો સામે સવાલની શ્રેણી રચાઇ છે. ભ્રષ્ટ્રાચારની વાતો કરતા અરવિંદ કેજરીવાલના જ પક્ષના સાથીના ઘરે રેડ પડી ત્યારે મોદી સરકારની વ્યૂહાત્મક રાજનીતિ સામે પ્રહાર કરવામાં આવ્યા. ટિ્વટર પર કેજરીવાલે મોદીને ઓછી બુધ્ધિના કહીને પોતાના આક્રોશને શબ્દો આપ્યા. જેટલી સામે ડીડીસીએની બાબતમાં ખુલ્લાસો કરવો પડે એવો હોબાળો મચી જતા મામલો કોર્ટ સુધી પહોચ્યો. 
                     કેજરીવાલે દિલ્લીને પુર્ણ રાજ્યનો દરરજો અપાવવાની વાત કરીને કેન્દ્ર સામેની સીધી લડાઇની શરૂઆત કરી. જો કે આ વાત વર્ષોથી થતી આવે છે પણ કોઇ અસરકારક પગલું જોવા મળ્યું નથી. આ વાત મોદી સરકારને ધ્યાનમાં છે પણ મૌનમાં માનનારા મોદીએ આ વાતને હાંસિયાભેગી કરી દીધી. આમ પણ દિલ્લી સરકાર અને કેન્દ્ર વચ્ચેના આ દ્નંદ્ર માં કોંગ્રેસ મોકાની રાહમાં છે. જામીન પર છુટકારા બાદ દિલ્લીના રાજકારણમાં ખુરશી માટેનો ત્રીપક્ષીય જંગ જોવા મળી રહ્યો છે. રાજધાનીમાં મહિલા સુરક્ષાને લઇને હંમેશા સવાલ થતા રહ્યા છે ત્યારે મોદી સરકાર એક સમિતિની રચના કરવા માગે છે પણ આ સમિતિ કેજરીવાલના કોઇ સૈનિક નથી. ખાસ વાત એ છે કે આ સમિતિ માટે દિલ્લી સરકારે મંજુરી આપી દીધી છે.
વિકાસના નામે જમીનના ઉપયોગનો મુદ્દો ગુજરાત હોઇ કે દિલ્લી બીજેપી માટે કાયમ માથાના દુખાવા સમાન રહ્યો છે. જમીનનો અધિકાર દિલ્લીમાં ડીડીએ પાસે છે. કેન્દ્ર સરકારનું કહેવું છે કે દિલ્લીના વિકાસ માટે દિલ્લીની જમીન પર હક જરૂરી છે જ્યારે આપ સરકારે જમીનને લઇને પણ જંગએલાન કરી દીધુ છે. છેલ્લા છ મહિનામાં કેન્દ્ર સરકારની સામે પડકારોના પહાડમાંથી પથ્થરો પડ્યા કરે છે ત્યારે મોંધવારી અને જીએસટી બીલની બાબત હવામાં રહી જતા 23 ડિસેમ્બરે સત્ર પુરુ થઇ ગયું. રાજકિય અટકળો અને આરોપો વચ્ચે વૈશ્ર્વિક વિચારો ભૂલાયા અને અન્ચ દેશ શું વિચારશે એની ચિંતા કોઇ વિકાસપ્રેમી નેતાએ ન કરી. કોઇ ટહુક્યુ (ટિ્વટ ન કર્યુ) પણ નહી. બાકી દેશની જનતાને આ પોલિટિકલ વોરમાં નહી પણ મોંધાવારીનો સ્કોર ઘટે એમાં રસ છે.

કેજરીવાલનો છે પણ  કેજરીવાલ સરકારના નેતાને ત્યાં પડેલા સીબીઆઇના દરોડાથી ટન જેટલો વજન ધરાવતા  ટિ્વટર પર જંગ જોવા મળ્યો. આ સાથે જ મોદી સરકારની મુશ્કેલીમાં વધારો થયો. સોનિયા ગાંધી અને રાહુલને કોર્ટનુ તેડું આવતા બીજેપીને એક વધુ મોકો હાથ લાગ્યો પણ રેલવેના વિસ્તારમાં ઞુંપડા પાડી નંખાતા નાની બાળકીના મોતથી રાજનીતિના રોટલા શેકનારને વધુ એક ભઠ્ઠો મળ્યો. આમ પણ દિલ્લીમાં બે કમળનું રાજ ચાલે છે. કેજરીવાલ અને કમળ (રાજકિય પક્ષ). મોદી સરકાર અને કેજરીવાલ વચ્યેની ટક્કરના નક્કર કારણો તીવ્ર છે જેની અસર દિલ્લીની જ નહી પણ દેશની ચુંટણીમાં પડી શકે એમ છે. દિલ્લી સરકારે હાલમાં જનલોકપાલ બીલથી કેન્દ્ર સાથે જોડાયેલા કાયદાઓમાં સંશોધન કરવા માટેની પહેલ કરી. કેન્દ્રની મંજુરી વિના આ બીલ પાસ થઇ શકે એમ નથી.