આગે ધાબે પર ઝરા હોલ્ટ કિજીયેગા

         
આગે ધાબે પર ઝરા હોલ્ટ કિજીયેગા

            નેશનવ હાઇવે પરની રખડપટ્ટીનો જેટલો રોમાંચ હોય છે એટલી જ હાઇવે પરના ધાબાઓની અનોખી દુનિયા હોય છે. બદલતા ટ્રેન્ડની સાથે મહાનગરોની આસપાસના હાઇવે પર તહેવારના સમયે લોકો લોંગ ડ્રાઇવ વીથ ડીનરનું આયોજન કરે છે. દેશના હાઇવે જેટલા મજબુત છે એટલી જ મજેદાર વાનગીઓ હાઇવે પરના ધાબાઓમાંથી મળી રહે છે. રોડના કિનારે વિશાળ જગ્યા, પથરાયેલા ખાટલાઓ,  બેસવાના ટેબલ ખુરશીના સ્થાને બાકડાંઓ, તૈયાર થતી રસોઇનીં સુગંધ, ખુલ્લુ રસોડું જ્યાં અંદર આવવાની મનાઇ છે એવું લખેલું ન હોય. લાઇવ કુકિંગ અને ક્લાસિક એક્સપિરિયન્સ. જે તે રાજ્યના હાઇવે પર આવેલા ધાબાઓની મુલાકાત લો એટલે જે તે પ્રદેશના જાણીતા વ્યંજનોની યાદી મેનુમાં વાંચવા મળે. જેમ કે, રાજસ્થાનના હાઇવે પરના ધાબાઓમાં દાલબાટી, પંજાબના હાઇવે પરના ધાબામાં પરાઠા, મધ્યપ્રદેશના હાઇવે પર ચાટ મસાલા. રાષ્ટ્રમાં જેટલું પ્રાંતનું વૈવિધ્ય છે એટલું જ ખાણીપીણીની વિવિધતા છે.ક્યાંક સ્પાઇસી તો ક્યાંક સ્વીટ. ભાઇ આગળના ધાબે થોડો હોલ્ટ કરીએ...

મુંબઇ-ગોવા હાઇવે

                     ધમધોકાર તડકો અને લૂં ઝરતો વાયરો, આંગળીના વેઢે ગણી શકાય એટલા વાહનોની અવરજવર. ઉનાળાનો માહોલ હાઇવે પર કંઇક અલગ રીતે વર્તાય છે.  રાત્રીના સમયે વાહનોથી ખીચોખીચ હાઇવેના રસ્તાઓ બપોરના સમયે વધુ લાંબા અને પહોળા થતા લાગે. આ અનુભવ કરવો હોય તો એપ્રિલ જૂનની વચ્ચે જયપુર-દિલ્લીના હાઇવે પર ટ્રીપ કરી આવો. આ રોડ પર બપોરના સમયે બાજુમાંથી પસાર થતા વાહનોનો સરવાળો પણ 500નો નહીં થાય. ઉનાળાની ગરમીનો માહોલ છે. બારી બંધ કરો અને કારનું એસી શરૂ કરો. આંખ પર ગોગલ્સ અને દિમાંગમાં ધુન. એનએચ-1 અને એનએચ-2 પર આંટો મારવા જેવો છે. આ દેશનો બેસ્ટ ગ્રાન્ટ ટ્રંક રોડ છે જે ટ્રકના ટ્રાફિક માટે જાણીતો છે. મનમાં મુકામ નિશ્ચિત હોય અને ખિસ્સા ખમતીધર હોય ત્યારે એનએચ47Aનો અનુભવ કરવા જેવો. આંખ બંધ કરશો તો પણ આ હાઇવે સપનામાં આવશે. એટલો સરસ આ હાઇવે છે.જે કોચી શહેરને કેરલના વેલિંગ્ટન ટાપુ સુધી જોડે છે. પોઇન્ટ ટું બી નોટેડ. વેલિંગ્ટન કેરલનો શ્રેષ્ઠ ટાપુ છે. જે મુલાકાતીઓને આંદામાન નિકોબારમાં હોવાનો અહેસાસ કરાવે છે.

             નેતાઓ વારંવાર પીપીપી પ્રોજેક્ટની ગર્જના કરતા હોયે છે. હાઇવે પ્રોજેક્ટમાં દેશનો સૌ પ્રથમ પીપીપી ધોરણ નીચે તૈયાર થયેલો ફોર લેન હાઇવે કોઇમ્બતુરથી પલ્લાકડનો છે. જેનો શ્રેય તમિલનાડું સરકારને જાય છે. આજે આ હાઇવેને 25 વર્ષ પુરા થયા. મોડી રાત્રે ઘરેથી નીકળેલી આપણી કારે સવારે બ્રેકફાસ્ટ કર્યો. હવે બપોર થવા આવી, ઘરના થેપલા, રોટલી, સુકીભાજીના ડબ્બા ખાલી થઇ ગયા હોય તો લલકારો દેશના બેસ્ટ હાઇવે પરના ધાબાઓના આંગળા ચાટતા કરી દે તેવા વ્યંજન. આપણા ગુજરાતીઓની ખુબી એ છે કે ગુજરાતમાં સાઉથ ઇન્ડિયન અને ચાઇનીઝ થાઇ ફુડની મોજ માણે અને ગુજરાત મુક્યા બાદ ગુજરાતી થાળી અને એમા પણ ખાસ દાળભાત શોધે. ગુજરાતના જાણીતા ધાબાઓના નામ લખવાની કોઇ જરૂર નથી કારણ કે 24 કલાક દેશી બીટ પર વાગતા જૂના ગીત, ચાનો ચુલો, શેરડીનો ચિચોળો, પાનનો ગલ્લો અને રૂમાલથી લઇને ડસ્ટર સુધીની ચાઇનિઝ આઇટમનું દુકાનરૂપી પ્રદર્શન આવું ગુજરાતના ધાબે જ જોવા મળે. આ ગુજરાતના ધાબાની નિશાની છે જ્યાં સ્વચ્છતા અભિયાનનો સાવરણો મહિને એકાદવાર માંડ ફરતો હશે અને શૌચાલયમાં ચોવીસ કલાક સુ-ગંધ આવતી હોય પણ પાણી ટાઇમટેબલ પ્રમાણે આવતું હોય. રાજસ્થાનથી ગુજરાતમાં આવો ત્યારે ડુંગરપુર પાસે પણ ઉદેપુર શરૂ થતા પહેલા ખુબ સરસ ધાબો છે. જે ફાઇવ સ્ટાર હોટલ જેવો લાગે છે.

દિલ્લી ગુડગાવ નેશનલ હાઇવે

                      જ્યાં રાજસ્થાની દાલબાટીથી લઇને ગુજરાતી દાળભાત ગરમાગરમ મળે છે. આ સાથે ટાઢી છાશ, મીઠી લસ્સી અને શોખીનો માટે ઠંડી બોટલ.(શેની? એ તમારે સમજી જવાનું) અમૃતસર દિલ્લી વચ્ચે સુખદેવજી કા ધાબા ફેમસ છે. અહીંના પરાઠા ખાવા જેવા. આપણા દેશી પરાઠાને ટક્કર મારે એવા. આ સાથે દિલ્લીની વાનગીઓ જેમ કે, દાલચાટ, સમોસા ચાટ, પનીર પરાઠા સાથે ધીમા વોલ્યુમથી વાગતું સંગીત, સ્વચ્છ ટોઇલેટ બાથરૂમ, લાંબા થઇને સુઇ નહીં પણ પહોળા થઇને પોઢી શકાય એવા ગાદલાવાળા ખાટલા. પોઇન્ટ ટું બી નોટેડ. અહીના ચાર્જ મિનિમમ છે એટલે સિઝનમાં ભીડ રહે છે.


                 હવે બનાવો આ ધાબે જમી શકાય એવી ડીશનું લીસ્ટ. પ્લેન પારાઠા, પનીર પરાઠા, સ્પેશ્ય આઇટમ મૃથલ કે પરાઠે, ડ્રાઇફ્રુટ લસ્સી, લીંબુપાણી (હા, લીંબુ પાણી એટલા માટે કારણ કે અહીં લીંબુ પાણી માટે ખાસ મસાલો તૈયાર કરવામાં આવે છે.), કોબીનું શાક અને પ્યાઝ કુલચા. હાશ....પેટ ભરાઇ ગયુ. હવે મારો લીવર અને ખેંચો નીંદર (ઊંધ). હાઇવની સફરમાં સાંજની પણ એક અનોખી મજા હોય છે. રસ્તાની એક બાજુ ઢળતો સૂર્ય, ધીમે ધીમે ડીમ થતી સનલાઇટ, જાણે કુદરત તારાઓની ચાદર પાથરવા માટે તૈયાર થઇ રહ્યો હોય. આ શબ્દોની વાસ્તવિકતા માણવી હોય અને હાઇવની સફરનું થ્રીલ બમણું કરવું હોય તો પહોંચો પંજાબ. પાંચ નદીઓનું રાજ્ય. જ્યારે પણ પંજાબ જવાનું થાય ત્યારે પાનીપત શહેરની મુલકાત અચૂક લેવી. આ શહેર ઐતિહાસિક તો છે જ પણ પંજાબના દેશી કલ્ચરની ગામઠી મોજ કરવતો ધાબો એટલે કર્નાલ કા ધાબા. આ એક ડીઝાઇન કરેલું રેસ્ટોરા છે. પણ અહીં ધાબાના લીસ્ટમાં લઇશું કારણ કે, અહીં હાઇવેની એક થીમ ઉભી કરવામાં આવી છે.

NH-13 મુંબઇ-મેંગ્લોર

               વિશાળ પાર્કિગ, ટોલનાકા જેવા ફુડ કાઉન્ટર, બેસવાના બાંકડા અને મોજેમોજ. જે પંજાબી મેનું આપણે ત્યાં છે એ તો મળશે જ. એ સિવાય પણ ખરા અર્થમાં પંજાબની થાળીનો સ્વાદ ચાખવો હોય તો, મંગાવો આ ધાબાનું ફ્લાવર મસાલા, સાદી રોટી, રોસ્ટેડ ભીંડી આ તેની સ્પેશ્યલ ડીશ છે. જ્યારે અન્ય મેનું સિઝનલ હોય છે. આ જ રૂટ પર નોનવેજ ખાનારાઓ માટે મયુર દા ધાબા છે. હવે કાઢો નોટ અને ખોલો પેન બનાવો લીસ્ટ...ઉત્તર ભારતમાં ગમે ત્યારે ગમે ત્યાં બાય કાર લઇને ફરવાનું થાય ત્યારે કોઇ કંપનીની ફ્રેન્ચાઇઝીના ફ્રીજમાં મૂકેલા રાંધણ ઝાપટવા કરતા દેશી ધાબાનો આનંદ લેજો. જેમાં લુધીયાણા હાઇવે પર ઝમીનદાર કા ધાબા, જલંધર(પંજાબ) હાઇવે પર લકી કા ડીનર (ઉત્તર ભારતના સૌથી જૂના ધાબા પૈકીનો એક.1960થી ચાલુ છે), આ જ રૂટ પર હવેલી રેસ્ટોરા, લેહ લદ્દાખ હાઇવે પર સંજય કા ધાબા, શિમલા હાઇવે પર ગિનિ પોઇન્ટ, એનએચ-24 એટલે કે દિલ્લીથી મેરઠ હાઇવે પર ભોજન કા તડકા. આ લીસ્ટ ઘણું લાબું છે અહીં જે જાણીતા છે એની રજૂઆત છે.


            દેશની બોર્ડરને જોવા માટે અવારનવાર આયોજન થતા હશે અને તે માટેની પરવાનગી પણ લેવી પડતી હશે. પણ હાઇવેની સફર પર નીકળ્યા હોય બીજા દેશ સુધી જવાનો રસ્તો મળે તો? આ શક્ય છે દેશના NH39 હાઇવે પર જે હાઇવેને લાઇફલાઇન ઓફ મ્યાનમાર કહેવામાં આવે છે. આ હાઇવે ભારત અને મ્યાનમારના સહિયારા પ્રયાસથી બન્યો છે. અંતમાં ટાટા, બાય બાય સીયું, એન્જોય ધ હાઇવે રાઇડ.

નોંધઃ અહીં હાઇવેને લગતી કેટલીક માહિતી મૂકી છે અને નક્શાઓ પણ શેક કર્યા છે.

 

National Highway

National highway	Route	Distance (KM)
NH-1	Jalandhar – Uri	663
NH-1A	New Delhi-Ambala-Jalandhar-Amritsar	456
NH-2	Delhi-Mathura-Agra-Kanpur-Allahabad-Varanasi-Kolkata	1465
NH-3	Agra-Gwalior-Nasik-Mumbai	1161
NH-4	Thane and Chennai via Pune and Belgaun	1235
NH-5	Kolkata - Chennai	1533
NH-6	Kolkata – Dhule	1949
NH-7longest	Varanasi – Kanyakumari	2369
NH-8	Delhi-Mumbai-(vai Jaipur, Baroda and Ahmedabad)	1428
NH-9	Mumbai-Vijaywada	841
NH-10	Delhi-Fazilka	403
NH-11	Agra- Bikaner	582
NH-12	Jabalpur-Jaipur	890
NH-13	Sholapur-Mangalore	691
NH-15	Pathankot-Samakhiali	1526
NH-17	Panvel-Edapally	1269
NH-22	Ambala-Shipkitr	459
NH-28	Lucknow-Barauni	570
NH-31	Barhi-Guwahati	1125
NH-37	Panchratna (near Goalpara) – Saiknoaghat	680
NH-44	Shillong-Sabroom	630
NH-49	Cochin-Dhanshkodi	440
NH-52	Baihata-Junction NH-47 (near Saikhoaghat)	850
NH-58	Delhi-Mana	538
NH-65	Ambala-Pali	690
NH-75	Gwalior-Ranchi	955
NH-76	Pindwara-Allahabad	1007
NH-78	Katni-Gumla	559
NH-86	Kanpur-Dewas	674
NH-91	Ghaziabad-Kanpur	405
NH-150	Aizawl-Kohima	700
NH-200	Raipur-Chandikhal	740
NH-205	Ananthapur-Chennai	442
NH-209	Dindigul-Bengaluru	456
NH-211	Solapur-Dhule	400
NH-217	Raipur-Gopalpur	508
NH-220	Kollam (Quilon)-Teui	265